Myriam Mereu at otentu su dotoradu de chirca in Istudios Filològicos e Literàrios a s’Universidade de Casteddu cun una tesi chi tratat de sa limba in su tzìnema sardu nou. Dae freàrgiu 2023, est assegnista de chirca pro s’unidade casteddàia de su progetu “ATLas – Atlante delle televisioni locali in Italia” (PRIN 2020). Is interessos suos de chirca movent dae sa filmologia linguìstica a is istùdios de sa boghe e s’oralidade, dae is televisiones locales a sa serialidade televisiva, cun atentu particulare a is pràticas de arresonu e narrativas de is teen dramas. Est autora e condutora de unu programa radiofònicu, “Seriedda” (Radio Rai Sardigna), e de sa rubrica “RTS Novas”, ambos in limba sarda.
