Mauro Liggi, mèdicu, poeta e fotògrafu. S’est focalizadu subra de sa street photography, su documentàriu, sa fotografia documentària giai dae su cumintzu de su percursu artìsticu suo, partetzipende a cursos e workshop medas cun is prus importantes autores italianos de su setore (Francesco Cito, Valerio Bispuri, Valentina Tamborra). Dd’agradat a mesturare is limbàgios comente testimòniat su primu traballu suo “Finestrini al plasma”: unu contu de Casteddu mirada dae is ventaneddos de su postale acumpangiadu dae is versos de poesieddas tzaccadoras. Su documentàriu de su backstage de su tzircu cuntemporàneu prus importante de Itàlia, su Tzircu Paniko, dd’at batidu a su primu libru fotogràficu suo “Una magica vita. Racconto fotografico degli artisti del Circo Paniko”, chi est pràghidu a sa crìtica e at otentu retzensiones e publicatziones in totus is prus importantes rivistas de su setore. In su 2021 pùblicat sa primu regorta poètica “Anima scalza. Le orme della poesia”. In su 2022 est bessida sa rogorta poètica a su tìtulu “Segnali di fumo” pro Altromondo Editore. In su martzu 2024 pùblicat “Alla terra i miei occhi” imprentadu dae Interno Poesia, cun prefatzione de Anna Segre.
