S’imprevedìbile sutzedet est unu biàgiu in intro de su trubuscàmene de su tempus nostru. Dae sa polìtica a su clima, dae s’economia a is mèdios de comunicatzione, dae sa sièntzia a s’arte, sa vida fitiana nostra est rugrada dae ispantos de sighida, mannos e piticos, chi a s’ispissu nos istronant, a bortas nos illùminant, belle semper nos ponent a sa proa. Pro afrontare su chi non podimus prevìdere – sena de nd’èssere istrombulados – serbint miradas noas, trastos àgiles, mapas agiornadas. Custu libru proat a nd’ofèrrere, esplorende fenòmenos diferentes e atritzados: vida e morte, errore e iscoberta, crisi e cambiamentu, caos e miràculu. Figuras de s’imprevedìbile chi plasmant sa realidade cuntemporànea – dae is feed de is smartphone nostros a is sèberos (im)previdìbiles de Trump o Musk. Cun abbistesa e passione, Franciscu Sedda nos acumpàngiat a unu mundu in ue s’imprevistu no est prus s’etzetzione, ma sa règula. Unu libru-bùssola, pro nos orientare in sa traschia de su sèculu XXI e proare a fàghere abitàbile, torra, unu mundu mannu, cumplessu e ispantosu.
