Nàschidu in sa Badde Pusteria, a làcana cun s’Àustria, Jannik Sinner at printzipiadu unu biàgiu istraordinàriu chi dd’at giutu dae is montes alpinos a is puntas de su tennis mundiale. Custu libru contat s’istòria sua, fata de passione, determinatzione e crèschida. Finas dae giòvanu, Jannik at dèvidu seberare intre s’amore suo pro s’iscì e s’apentu suo pro su tennis. A trèighi annos, impugnende sa rachetta, printzìpiat unu caminu chi dd’at a giùghere a largu dae domo, unu passu chi at a signare su cumintzu de s’artziada sua conca a sa mannària. abratzende una filosofia de vida rigorosa: annestru, mavelia e un’ètica de su traballu chi ddi sunt istadas imparadas dae sa famìlia sua, semper pronta a ddu suportare sena mai nd’impedire is sèberos. Is vitòrias a is Us Open e a is Australian Open de su 2024, e su bis australianu a cumintzu de su 2025, ant batidu unu Slam in Itàlia a pustis de barantoto annos, cunsagrende de su totu su nùmene suo in s’istòria de s’isport. Riccardo Crivelli non tzèlebrat is trìunfos de unu campione petzi, ma nos cumbidat a iscobèrrere s’essèntzia sua: unu pitzocu chi, cun talentu mudu e una deditzione chi non podet rùghere, est forgende sa legenda sua. Jannik Sinner est destinadu a abarrare in subra de su palcoscènicu de su tennis mundiale galu pro annos, prontu a devènnere un’icona indimenticàbile, un’esèmpiu de comente su traballu e sa perseveràntzia potzant trasformare unu bisu in realidade.
