Fidade·bos de mene: si seis tipos fissados cun su primore e reagides male a is errores, arrimade deretu custu libru. Ca custa istòria de errores nd’est prena, ma pro una resone de bundade. Totu est cumintzadu cando duos alienos bellos comente a ìdolos K-pop ant cunsignadu a Ricky unu costùmene de supereroe. Issu, però, prus a prestu s’intendet unu SUPER-ERRORE: non petzi est tìmidu meda, ma sa tuta chi ddi deviat donare poderes incredìbiles est una caltzamàllia betza in beridade, ddi ponet in mustra sa brentighedda e punghet che ispina. Semper prus a s’ispissu, in prus, sutzedent cosas chi non si podent ispiegare: càmion de tzirricas chi brincant in s’àera aboghinende ‘PERDINZANAS IN SU BIDET!’, vocabulàrios volantes, ranas fuende e mescamente Ricky – cuddu tìmidu meda, ammentades? – chi àmpulat sa boghe dae in antis a is ingiustìtzias prus ingiustas de sa Terra. Pro fortuna, a risòlvere custu e àteros arcanos, no est a sa sola: cun issu bi sunt Jo, gèniu informàticu noeddu, Toni Tanaka, ex politziotu unu pagu macu, e un’ippopotama de peluche cun un’abbistesa artifitziale e sa limba acussada. Ah, e fintzas Flù, unu camaleonte daltònicu. Comente? Chie so deo? Est unu segretu, ma fortzis a sa fine fintzas custu arcanu at a èssere isveladu…
A pustis de sa resèssida de sa Società Segreta de i Salvaparole, Enrico Galiano torrat cun un’istòria de amighèntzia e coràgiu, ma fintzas de fallimentu e renàschida, chi tzèlebrat s’errore comente momentu fundamentale pro sa crèschida de ognunu de nois.
de Enrico Galiano
