Est professore in s’Universidade de Casteddu, in ue insinnat Semiòtica de sa comunicatzione cuntemporànea e Semiòtica Culturale. Est istadu visiting professor a s’Harvard University e a sa Pontifìtzia Universidade de São Paulo. At donadu cunferèntzias in 15 natziones. Intre is interessos suos sa tradutzione comente trastu de cumprensione de sa vida de is culturas, su acàpiu globalizatzione/glocalizatzione, is dinàmicas de su populismu digitale, s’istùdiu de is ìsulas e de is trasformatziones de sa cussèntzia sarda, is formas medas de s’imprevedibilidade. Intre is traballos suos prus reghentes: Simboli d’oggi. Critica dell’inflazione semiotica (cun D. Mangano, Milano, 2023), Semiotics of Conflict (cun M. Maran, D. Monticelli, Tallinn, 2024).
