Sherri Mitchell – Weh’na At’mu Kwasset (chie batit sa Lughe) est un’abogada, ativista eco-feminista e autora indìgena de sa Penobscot Nation. S’est laureada a su Roger’s College of Law de s’Universidade de s’Arizona, ispetzializende·si in Deretu e Polìticas Indìgenas. At fundadu, paris cun àteros, sa Land Peace Foundation, un’organizatzione dedicada a s’amparu de is deretos e a s’amparu de s’istile de vida de is pòpulos indìgenos. Leat parte in su consìgiu de amministratzione de s’American Indian Institute, in su comitadu consultivu de su programa de gestione de su territòriu indìgenu de Nia Tero e in su consìgiu de amministratzione de su Post Carbon Institute. Sherri est istada fintzas membru de s’iscuadra de isvilupu pro s’Atzione pro s’Empowerment Climàticu de sa Cunventzione Cuadru de is Natziones Unidas subra de is Cambiamentos Climàticos (UNFCCC). At retzidu unos cantos prèmios pro is deretos umanos, comente a su Mahoney Dunn International Human Rights and Humanitarian Award e s’University of Maine Alumni International Human Rights Award. Sherri est fintzas s’organizadora de sa tzerimònia de sanamentu globale “Healing the Wounds of Turtle Island”, unu adòbiu chi at riunidu prus de chimbanta mìgia pessones lòmpidas dae ses continentes pro si cuntzentrare subra de su sanamentu de is relatziones impari-pari nostras e cun su mundu naturale. At contribuidu a ùndighi antologias, intre custas su bestseller “All We Can Save: Truth, Courage, and Solutions for the Climate Crisis” e “Resetting Our Future: Empowering Climate Action” in is Istados Unidos. “Sacre Istruzioni” est unu bestseller in is Istados Unidos e est istadu publicadu fintzas in Germània.
