Valentino Mannias est un’atore, autore e regista sardu. A pustis de is istùdios in su litzeu si trasferit a Milanu in ue in su 2013 concruit su percursu suo de formatzione in s’acadèmia de arte drammàtica Paolo Grassi. In su 2015 binchet su prèmiu Hystrio a s’apentu comente mègius atore, dae tando si cuntzentrat fintzas in sa faina sua de autore e regista. In su 2018 est seletzionadu pro partetzipare a s’École des Maîtres, su laboratòriu de importu internatzionale de aprofundimentu teatrale. In su matessi annu binchet su prèmiu Franco Enriquez cun s’ispetàculu l’Avvoltoio e in su 2024 binchet su prèmiu Ubu pro su mègius atore italianu under 35. Su percursu artìsticu suo est sighende fintzas in campu tzinematogràficu comente protagonista in sa sèrie “Il Mostro” chi s’agatat in Netflix.
