{"id":3288,"date":"2025-10-30T11:40:15","date_gmt":"2025-10-30T10:40:15","guid":{"rendered":"https:\/\/festivalmondoeco.it\/home\/comunicadu-imprenta\/"},"modified":"2026-02-24T10:34:43","modified_gmt":"2026-02-24T09:34:43","slug":"comunicadu-imprenta","status":"publish","type":"page","link":"https:\/\/festivalmondoeco.it\/sc\/home\/comunicadu-imprenta\/","title":{"rendered":"Comunicadu imprenta"},"content":{"rendered":"\t\t
\n\t\t\t\t
\n\t\t\t\t\t
\n\t\t\t\t
\n\t\t\t\t\t

COMUNICADU IMPRENTA<\/h1>\t\t\t\t<\/div>\n\t\t\t\t\t<\/div>\n\t\t\t\t<\/div>\n\t\t
\n\t\t\t\t\t
\n\t\t\t\t
\n\t\t\t\t\t\t\t\t\t

S\u2019allughet sa de ses editziones de su f\u00e8stival de literadura MONDO ECO, dedicadu a sa Sustenibilidade Ecol\u00f2gica, Sotziale e Culturale, organizadu dae Il crogiuolo cun sa diretzione art\u00ecstica de Rita Atzeri e cun s’amparu de s’Assessoradu a sa Cultura de sa Regione Sardigna (Serv\u00ectziu benes librajos) e de su Comunu de Casteddu. Unu progetu chi fintzas ocannu si cunfirmat articuladu meda, cun unu programa ricu, dae su 17 de onniasantu fintzas a su 5 de mese de idas su cabitzale, chi previdet unu cartellone ricu de ad\u00f2bios cun autores de livellu natzionale e regionale. Unu f\u00e8stival de tretu mannu, Mondo Eco, chi at m\u00f2vidu dae su abrile coladu cun una s\u00e8rie de anteprimas diluidas a totu longu de custos meses. <\/p>

Intre is autores e is autoras \u00f2spites, Milena Agus, Angelo Turco, Angelica Pastorella, Lucia Tancredi, Alessandro Aresu, Daniela Annetta, Cristina Nadotti, Valentino Mannias, Paolo Massari, Riccardo Crivelli. Su f\u00e8stival proponet, oramai de traditzione, in prus de sa setzione liter\u00e0ria in manera istrinta, \u00e0teras fainas diferentes, comente, in particulare, is de animatzione e sensibilizatzione a sa letura in is iscolas, laborat\u00f2rios, momentos de ispet\u00e0culu. <\/p>

Mondo Eco, tenende comente a obietivu prim\u00e0riu sa promotzione de sa letura, cheret segugiare galu s’atentzione a su tema de sa Sustenibilidade, chi s\u2019at a declinare in totus is aspetos suos, ecol\u00f2gicu, sotziale, culturale e pol\u00ecticu. Fintzas in sa de ses editziones suas su f\u00e8stival s’avalet de su sustennu de unu comitadu sient\u00ecficu, cun s’aportu de Duilio Caocci, dotzente de Literadura italiana in s’Universidade de Casteddu, e de Cristina Batteta, libraja e esperta in contu de literadura. <\/p>\t\t\t\t\t\t\t\t<\/div>\n\t\t\t\t

\n\t\t\t\t\t\t\t\t\t

Mondo Eco 2025 at seberadu comente tema sa \u201cSubraviv\u00e8ntzia\u201d in manera significativa, chi est isvilupadu pro m\u00e8diu de is panel tem\u00e0ticos chi fintzas dae is or\u00ecgines signalant su f\u00e8stival, Ambiente, Pol\u00ectica, Sustenibilidade. E sighende sa sia de is editziones coladas is \u00e0reas de riflessione sunt tratadas e aprofundidas dae espertos de su setore, dotzentes, chircadores, chi ant a contare is ist\u00f9dios issoro, esperi\u00e8ntzias, fainas, e cun iscritores e giornalistas, chi a traessu de is libros chi ant iscritu faeddant dae su puntu de bista issoro. Is logos, semper prus ispainados subra de su territ\u00f2riu regionale: Casteddu, Casa Saddi in Pirri est s\u2019apozu fundamentale de su f\u00e8stival, ma non petzi incue, Cuart\u00f9ciu (s’Ortu Giardinu Mariposa de Cardu e s’Istitutu Penale Minorile), in Marmidda (Baressa), in unos cantos comunes de s’Ogiastra (comente a Tertenia, Tortolie, Ulassa), in su Nugoresu e in su Surcis (in Carb\u00f2nia, Carluforti, Santadi, Cadesedda, intre is \u00e0teros). <\/p>

\u201cSa de ses editziones de Mondo Eco est dedicada a su tema de sa \u2018subraviv\u00e8ntzia\u2019: chi s’umanidade siat currende conca a s’autodestruidura sua est cosa gasi ladina chi ddu faghet pleon\u00e0sticu a ddu n\u00e0rrere\u201d, sutal\u00ecniat Rita Atzeri, ispieghende su concept de su f\u00e8stival. \u201cDdu dimustrant is gherras, sa situatzione de dolore in Palestina, su consumu de terra, s’ispeculatzione energ\u00e8tica chi bivimus, is reflussos fascistas chi semus biende. S’omologatzione de sa sotziedade de is consumos, de sa cale faeddaiat Pasolini, in t\u00e8rmines de isboidamentu de is cuss\u00e8ntzias e \u2018fascistizatzione\u2019 de sa sotziedade est giai acont\u00e8ssida. Podimus f\u00e0ghere calicuna cosa pro frenare sa cursa cara a s\u2019istrampu? Eja, podimus. Chirchende de torrare a all\u00f9ere is cuss\u00e8ntzias, proponende temas de cunfrontu e presentende is caminos dae cursare. Mondo Eco dd’at giai fatu in is anteprimas suas, proponende libros comente a \u2018L\u2019altra memoria\u2019 de Lorenzo Guadagnucci, chi nos giughet a su sentidu chi oe devet t\u00e8nnere s’amentu de is istrages fascistas, no ammentu ebbia ma atzione contra is gherras, o comente a su de Paolo Pileri, \u2018Dalla parte del suolo\u2019, chi nos cunsentit de rifl\u00e8tere subra de is abusos contra s’amparu de su territ\u00f2riu chi semus biende o, ancora, cun libros comente a su de Letizia Palmisano, \u2018Sette vite come i gatti\u2019, chi nos cumbidat a ritziclu e reimpreu\u201d.<\/p>

Il crogiuolo at detz\u00ecdidu de investire galu subra de una rassigna originale, cun una retza de partner m\u00ecscrina. Sighit fintzas ocannu sa collaboratzione cun logos de importu pro sa cultura e s’istrutzione, comente iscolas e bibliotecas. Importante sa rete de collaboratziones chi s’est consolidende, cun entes, istitutziones, ass\u00f2tzios de volontariadu, culturales e de ispet\u00e0culu, f\u00e8stival liter\u00e0rios, is Sistemas Bibliotec\u00e0rios Monte Claro (Tzitade Metropolitana de Casteddu) e de s’Ogiastra. Mediapartner de su f\u00e8stival sunt Eja tv e Radio X. <\/p>\t\t\t\t\t\t\t\t<\/div>\n\t\t\t\t

\n\t\t\t\t\t

Is ad\u00f2bios cun autores e autoras<\/h2>\t\t\t\t<\/div>\n\t\t\t\t
\n\t\t\t\t\t\t\t\t\t

Mondo Eco, comente giai naradu, at m\u00f2vidu dae meda cun una s\u00e8rie de anteprimas. Su f\u00e8stival intrat in atzione dae lunis 17 onniasantu<\/strong>, a is ses de merie, in s’Ospidale Oncol\u00f2gicu Businco de Casteddu. Protagonista Giampaolo Cadalanu, giornalista e iscritore, imbiadu ispetziale pro tempus meda dae Repubblica, cun \u201cSotto la sabbia. La Libia, il petrolio, l\u2019Italia.\u201d (Laterza, 2025), presentadu dae Luca Borzoni, dotzente de Ist\u00f2ria de is relatziones internatzionales, ad\u00f2biu in collaboratzione cun su Dipartimentu de Si\u00e8ntzias Pol\u00ecticas \u2013 Decolonizare su benidore \u2013 Tema dipartimentale 2026. <\/p>

Sunt belle b\u00ecndighi annos chi sa L\u00ecbia est bivende una gherra tzivile permanente e sena fine. Unu \u201cgrandu giogu\u201d in ue is pot\u00e8ntzias de su mundu \u2013 dae sa R\u00f9ssia a sa Turchia, dae is Istados Unidos a is Paisos de su Golfu \u2013 part\u00e8tzipant pro nche p\u00f2nnere is manos in pitzus de su ascus\u00f2rgiu immensu cuadu in suta de s’arena, su petr\u00f2liu. E s’It\u00e0lia in cale modu nd’est interessada? Cantu est arrischende in sa ex \u201ccuarta isponda\u201c sua? <\/p>

Su 20 de santugaine de su 2011 Muammar al Gheddafi fiat caturadu e ochidu. Dae sa fine de su reg\u00ecmene instauradu dae su Coronellu e de sa \u2018Rivolutzione Birde\u2019 sua pro sa L\u00ecbia est cumintzada un’agonia sena fine. Cantas f\u00e0ulas sunt istadas naradas pro giustificare s’interventu otzidentale in L\u00ecbia? Pro ite s’It\u00e0lia at partetzipadu a s’atacu apenas duos annos a pustis de \u00e0ere firmadu su Tratadu de amigh\u00e8ntzia cun Tr\u00ecpoli? Giampaolo Cadalanu impreat testimonias esclusivas, contos de esperi\u00e8ntzia direta, an\u00e0lisis de ispetzialistas e cunfrontu de datos pro ammustrare chi a cumbinchere a s’Otzidente, meda prus de s’amparu de is l\u00ecbicos, sunt istados e sunt galu oe in die is interessos cuncretos: is resursas de su sutaterra e is echil\u00ecbrios de p\u00f2dere. <\/p>

Martis 18<\/strong> at a \u00e8ssere sa Facultade de Ist\u00f9dios Uman\u00ecsticos (\u00e0ula 9A de su Corpus Agiuntu) a acollire a is 15.30 a Angelo Turco pro su \u201cMediologia della territorialit\u00e0\u201d suo (Unicopli, 2025). Professore de m\u00e8ritu de Geografia, at insinnadu in su Polit\u00e8cnicu de Milanu e in s’Universidade Iulm, in ue est istadu Pr\u00e8side de sa Facultade de Artes, turismu e mercados, at a dialogare cun Marcello Tanca, dotzente de Geografia in s’Universidade de Casteddu. S’ad\u00f2biu at a \u00e8ssere fintzas in direta in sa p\u00e0gina Facebook de su Crogiuolo e at a t\u00e8nnere sa tradutzione in limba Lis a incuru de Luciana Ledda. <\/p>

N\u00e0schida e morte de un’uraganu in is giornales, in sa televisione in is retes sotziales. Comente si detzifrant is ret\u00f2ricas de gherra e is culturas neo-coloniales? E narende \u201cCunfer\u00e8ntzia subra de su clima\u201d, a ite nche si referit: a su chi est sutz\u00e8didu, a su chi est prom\u00ectidu? Su libru de Turco s’\u00f2cupat de s’esist\u00e8ntzia mediale de is territ\u00f2rios: in is sotziedades globalizadas e in is comunidades locales. Una mirada geogr\u00e0fica noa subra de su mundu chi pro es\u00ecstere non tenet bis\u00f2ngiu de \u00e8ssere beru, ma ddi bastat petzi de \u00e8ssere a su mancu real\u00ecsticu. A sighire Angelica Pastorella at a presentare \u201cNon c\u2019\u00e8 vita senza acqua\u201d (Unicopli, 2025). Laureada in limbas orientales e in antropologia culturale, oe est una de is espertas culturales e acumpangiadoras de punta de Kel 12, tour operator ispetzializadu in bi\u00e0gios culturales e susten\u00ecbiles in cada \u00e0ngulu de su mundu. Sa regione muntagnina de su Ladakh, in s’\u00ccndia setentrionale, connota pro is desertos suos de arta cuota, est un’es\u00e8mpiu cuncretu de su chi est significhende su cambiamentu clim\u00e0ticu. A ingh\u00ecriu de is nieras maestosas de sa zona, ue natura, cultura, traditzione e economia si sunt semper acapiadas intre issas, como s’isparitzione progressiva de custa abba s\u00f2lida est ponende in crisi sa vida e s’identidade de is populatziones chi inoghe istant. <\/p>

Su 19 onniasantu,<\/strong> a is 17, petzi in direta in sa p\u00e0gina Facebook de Il Crogiuolo, Lucia Tancredi, dotzente de Literadura e iscritora, presentat \u201cOgni cosa \u00e8 per Giulia. Antonio Gramsci e Giulia Schucht: una storia d\u2019amore\u201d (Ponte alle Grazie, 2024) S’ad\u00f2biu fatale intre Antonio e Giulia acontesset in unu sanat\u00f2riu russu in su 1922: Gramsci, ricoveradu in cunditziones graves mentras part\u00e8tzipat a is traballos de s’Internatzionale comunista, connoschet inie Giulia Schucht, violinista de grandu talentu, in cue pro agatare a sa sorre Eugenia. Est amore a primu mirada: si torrant a adobiare in Mosca, devenint amantes, e de sighida maridu e mugere. Tancredi contat su bistr\u00e0sciu de Giulia chi pro amore de Antonio rin\u00f9ntziat a sa m\u00f9sica, su pessamentu suo pro issu, semper fuende dae is fascistas, su dis\u00ecgiu de dd’istare a probe, s’aspiratzione disamorada a una vida normale. Antonio resesset a colare unu pagu de tempus cun su primu f\u00ecgiu, mentras non resessit mai a conn\u00f2schere su segundu pro ite ca est arrestadu. In s’\u00f9rtimu per\u00ecodu a istare acanta a Gramsci detenudu, a retzire is l\u00ecteras suas est sa sorre de Giulia, Tatiana: is sorres acumprint unu ruolu de importu in custa ist\u00f2ria, siat Eugenia chi Tatiana sunt ammeladas de Antonio. Issu amat petzi a Giulia, e in antis de si che m\u00f2rrere ddi lassat totus is cartas suas, ammustrende de non t\u00e8nnere pro issa petzi passione manna, ma fintzas istima pro s’abbistesa sua e s’ardore pol\u00ecticu suo. <\/p>

Lucia Trancredi at a faeddare fintzas de su libru suo \u201cErsilia e le altre. Storia straordinaria di donne e bambine all\u2019alba del femminismo\u201d (Ponte alle Grazie, 2025), conduit sa giornalista Federica Ginesu.<\/p>

Semper m\u00e8rcuris 19<\/strong>, a is 18, a su Lazareto de Santu Elia Gianluca Scroccu, dotzente universit\u00e0riu de Ist\u00f2ria Cuntempor\u00e0nea, at a faeddare de \u201cSandro Pertini\u201d, chi at a bessire pro Salerno Editora, acumpangiadu dae Enrico Trogu, diretore de s’Arch\u00ecviu de Istadu. Pertini: sa coer\u00e8ntzia sua fiat istada tzentrale in sa balentiosa opositzione antifascista, fintzas cando fiat istadu cundennadu a una detentzione cartzer\u00e0ria longa e de cunfinu, gasi comente dd’at a \u00e8ssere in sa luta de sa resist\u00e8ntzia e in s’aficu intro su sotzialismu italianu a pustis de su 1945. Su raportu cun su partidu suo diat \u00e8ssere istadu semper tzentrale, dae sotzialista riformista che issu, no aiat tentu inc\u00e0rrigos diretivos in su partidu, non fiat istadu mai mutidu a ruolos de guvernu, ma fiat istadu semper respetadu in manera estrema. Sa furriada lompet in su 1968, cando devenit \u00f2mine de is istitutziones, in antis comente Presidente de sa C\u00e0mera de is deputados, fintzas a su 1976, posca comente a Presidente de sa Rep\u00f9blica, dae su 1978 a su 1985. Su mandadu suo fiat intradu in su mitu e in sa mem\u00f2ria de is italianos in s’istajone de su terrorismu ca issu aiat ischidu interpretare e amparare su ruolu de is istitutziones democr\u00e0ticas cun gabbale e autonomia dae sa classe pol\u00ectica. <\/p>

At a sighire a is 19 Milena Agus, narradora de livellu artu (n\u00e0schida in G\u00e8nova dae babbos sardos, bivet in Casteddu) cun su \u201cNotte di vento che passa\u201d suo (Mondadori, 2024), in cumpangia de Fabio Marceddu, atore e regista. S’autora de \u201cMal di pietre\u201d contat s’ist\u00f2ria de C\u00f2sima e de s’annu prus memor\u00e0bile de sa vida sua, cussu in ue lompet is degheot\u2019annos e ddi sutzedent \u201ctantissime cose per la prima o per l\u2019ultima volta\u201d. Su chi nde istupat est unu romanzu prenu de merav\u00ecllia e de literadura, chi contat sa tensione universale intre su dis\u00ecgiu de bisare e su bis\u00f2ngiu de b\u00ecvere in su mundu beru, de ddoe istare, in sa realidade. Dae s’iscritura de s’autora nde bessit sa puresa de avesu ma fintzas una chirca lingu\u00ecstica profunda: sa mirada sua, originale e belle de pitzinna, faghet r\u00ecere e meravigiare a su matessi tempus, comente a bortas sutzedet cando is pipios o is s\u00e0bios narant sa beridade. <\/p>

At a \u00e8ssere Domu Saddi in Pirri sa die chi sighit, gi\u00f2bia 20<\/strong>, a is 18, a acasagiare Alessandro Aresu cun \u201cLa Cina ha vinto\u201d (Feltrinelli, 2025), ad\u00f2biu in collaboratzione cun su Dipartimentu de Si\u00e8ntzias Pol\u00ecticas \u2013 Decolonizare su benidore \u2013 Tema dipartimentale 2026, fintzas in direta in sa p\u00e0gina fb de Il Crogiuolo. M\u00f2derat Barbara Onnis, dotzente de Ist\u00f2ria e Istitutziones de s’\u00c0sia, tradutzione in Lis de Luciana Ledda. Aresu, analista geopol\u00ecticu e espertu de istrategias e pol\u00ecticas p\u00f9blicas, at traballadu comente consigeri, consulente e dirigente pro istitutziones comente a sa Presid\u00e8ntzia de su Cons\u00ecgiu, is Minist\u00e8rios de s’Economia e de is \u00c8steros, firma de sa rivista Times, coll\u00e0borat cun diversas importantes testadas giornal\u00ecsticas. E in su libru suo ponet in evid\u00e8ntzia comente s’Otzidente siat ossessionadu dae sa Tzina, ma a s’ispissu dda p\u00f2mpiat a traessu de ischemas interpretativos chi non balent. Sa Tzina at bintu no est unu assertu ret\u00f2ricu, ma una provocatzione met\u00f2dica: pro cumpr\u00e8ndere a ue semus andende bis\u00f2ngiat detzifrare su pensamentu istrat\u00e8gicu tzinesu, is or\u00ecgines ist\u00f2ricas suas, is l\u00f2gicas industriales suas, is trastos suos de influ\u00e8ntzia globale. Aresu marcat is traiet\u00f2rias de su podere tecnopol\u00ecticu de Pechinu, contende is trasformatziones in su raportu intre Istadu, capitale, ischire t\u00e8cnicu e cod\u00ecssias globales. Una narratzione chi andat addae dae su storytelling mainstream de su \u201cimperu de su controllu\u201d, torrende\u00b7nos unu retratu de sa Tzina comente de unu laborat\u00f2riu e un\u2019ispigru de su futuru nostru. <\/p>

Su 21 onniasantu, a is 18, semper in domo Saddi, Mauro Liggi, m\u00e8dicu, poeta e fot\u00f2grafu castedd\u00e0iu, at a prop\u00f2nnere su suo \u201cAlla terra i miei occhi\u201d (Interno Libri, 2025) paris cun Duilio Caocci. Unu libru de resil\u00e8nztia, unu bi\u00e0giu in intro de sa fragilidade, in su lutu chi non burrat sa merav\u00ecllia pro s’arcanu de sa vida. In s’iscuru de sa p\u00e8rdida, s’amore sensuale torrat respusta a sa morte. S’\u00e0nima prena de ispantu, impotente ma non arr\u00e8ndida a sa dis\u00e0ura, agatat semper un’\u00e0ndala cara a sa bellesa, in is cosas piticas chi dd’ingh\u00ecriant, in isp\u00e0tzios abertos de isperu. A is 19 at a tocare a Daniela Annetta, gr\u00e0fica ispetzializada in editoria, curadora italiana de \u201cSacred instructions. La saggezza indigena per una trasformazione fondata sullo spirito vitale\u201d (Multimage, 2024) de Sherri Mitchell, abogada, ativista e autora de sa natzione Penobscot, p\u00f2pulu ind\u00ecgenu de su Maine, in su Nord Am\u00e8rica. Umprende dae su connoschimentu de is antepassados, gasi comente a s’esperi\u00e8ntzia sua comente abogada e ativista, Mitchell afrontat unas cantas chistiones prus detzisivas de is dies nostras de oe, comente s’amparu de s’ambiente e is deretos umanos. S’invitu chi partit est su de agire pro sarbare su pianeta e totu is \u00e8sseres biventes, pro torrare a b\u00ecvere paris in armonia e echil\u00ecbriu segundu is insignamentos sacros de is antepassados nadios suos de Am\u00e8rica. S’autora contat is insignamentos sacros de is antigos e is profetzias pro su benidore, e in custu libru torrat a sa mem\u00f2ria is istiles de vida e is traditziones chi sa trib\u00f9 sua est res\u00e8ssida a cunservare.
A sighire, Fiorella Carollo, orientalista, cun una formatzione in antropologia, istudiosa de su pensamentu feminista e de tz\u00ecnema de is f\u00e8minas. \u201cResistenze. Da Gaza all’Afganistan al Myanmar\u201d (Multimage, 2025) est su t\u00ectulu de su libru chi at a presentare. S’\u00f2pera si cuntzentrat subra de is formas de resist\u00e8ntzia in \u00e0reas diferentes de su mundu, e intre custas, pr\u00f2piu Gaza, s’Afganist\u00e0n e su Myanm\u00e0r.
Semper chen\u00e0bura 21, a is 16.15, sa Biblioteca Lussu at a \u00e8ssere su palcosc\u00e8nicu de s’ad\u00f2biu organizadu in collaboratzione cun su Sistema Bibliotec\u00e0riu Monte Claro de sa Tzitade Metropolitana de Casteddu (cun intrada in vetura dae bia Romagna \u2013 Atzessu Tzitadella de sa salude \u2013 Sala Giovanni Lilliu): Volontariadu in \u00c0frica, su tema, cun sa presentada de su libru \u201cCon l\u2019Africa. Storie di persone che costruiscono il futuro\u201d de su giornalista Giuseppe Ragogna (Ediciclo, 2024), in collaboratzione cun M\u00e8dicos cun s’\u00c0frica Cuamm, conduit sa giornalista e iscritora Giulia Clarkson. Sunt prev\u00ecdidos is interventos de Luciano Cara, m\u00e8dicu de su \u201cGruppo volontari Sardi Karibu Africa odv\u201d, e de Gabriele Galassi (dae remotu), chi at a testimoniare s’esperi\u00e8ntzia de serv\u00ectziu tzivile in \u00c0frica. <\/p>

Myriam Mereu, chircadora in Ist\u00f9dios Filol\u00f2gicos e Liter\u00e0rios a s’Universidade de Casteddu, at a \u00e8ssere s’autora presente su 22 de onniasantu<\/strong> in domo Saddi, a oras de is 19. At a faeddare cun Nicole Merche de su libru suo \u201cLe voci dello schermo. Le lingue del cinema sardo contemporaneo\u201d (Mimesis, 2024), argumentu chi est ispetzializatzione sua. Un’ist\u00f9diu, articuladu in sete cap\u00ectulos, chi analizat sa cumponente lingu\u00ecstica de su tz\u00ecnema sardu de oe e chi si proponet de istudiare comente sa limba c\u00e0mbiet colende a is produtziones tzinematogr\u00e0ficas. <\/p>

Su 23 onniasantu<\/strong>, a is 18, a s’Ospidale Businco de Casteddu, Franciscu Sedda, semi\u00f2logu, dotzente in s’Universidade de Casteddu, e iscritore, at a presentare \u201cL\u2019imprevedibile accade\u201d (Bompiani, 2025) in di\u00e0logu cun Paolo Sorrentino, semi\u00f2logu issu etotu.<\/p>

Unu bi\u00e0giu in su trubusc\u00e0mene de su tempus nostru: dae sa pol\u00ectica a su clima, dae s’economia a is m\u00e8dios de comunicatzione, dae sa si\u00e8ntzia a s’arte, sa vida fitiana nostra est rugrada dae ispantos de sighida, mannos e piticos, chi a s’ispissu nos istronant, a bortas nos ill\u00f9minant, belle semper nche nos ponent a sa proa. Pro parare fronte a s’impreved\u00ecbile, sena nd’\u00e8ssere istrombulados, serbint miradas noas, trastos \u00e0giles, mapas agiornadas, chi Sedda chircat de of\u00e8rrere in su libru suo. S’ad\u00f2biu at a \u00e8ssere trasm\u00ectidu fintzas in direta (p\u00e0gina fb de su Crogiuolo), tradutzione Lis de Luciana Ledda. A sighire, a is 19, s’\u00f2timu Valentino Mannias, atore de teatru, tz\u00ecnema e tv de formatzione s\u00f2lida, at a contare, acumpangiadu dae s’italianista Andrea Cannas, de \u201cIl mostro\u201d, sa minis\u00e8rie fata dae Netflix, chi at cobradu resessida manna e chi contat de sa \u201cpista sarda\u201d in cis contos de su Mostru de Flor\u00e8ntzia, su serial killer autore de oto omitz\u00ecdios d\u00f2pios intre su 1968 e su 1985. Mannias interpretat su ruolu enigm\u00e0ticu de unu pesson\u00e0giu tzentrale in custos fatos, su de Salvatore Vinci, sardu disterradu in Toscana. <\/p>

Vindice Lecis, giornalista e iscritore, at a \u00e8ssere su 25 onniasantu<\/strong>, a is 18, in domo Saddi, pro contare \u201cLa rivolta\u201d (Condaghes, 2025) cun Duilio Caocci conduende. A pustis de sa batalla sambenosa de Lutocisterna de su fre\u00e0rgiu 1324, sa conchista de sa Sardigna pro manu catalanu-aragonesa paret non conn\u00f2schere prus ost\u00e0culu perunu. In su mese de l\u00e0mpadas de su matessi annu is pisanos rin\u00f9ntziant a d\u00f2nnia possedimentu in s’\u00ecsula francu Castel de Castro. A suta de is muros suos, devent isp\u00f2ndere a is atacos isderrigantes de is catalanu-aragonesos aposentados subra de sa punta a sud-est de Casteddu, in cue etotu cumentzant a fraigare sa biddighedda fortificada narada Bon\u00e0ria. Is sortes de sa Sardigna ant a \u00e8ssere detz\u00ecdidas prus dae c\u00e0rculos tz\u00ecnicos chi dae s’iscontru de naes intre Pisa e Aragona chi s\u2019at a f\u00e0ghere in su golfu de Casteddu intre su 1325 e su 1326. <\/p>

Sabato 29<\/strong>, a is 17.30, a s’Ospidale oncol\u00f2gicu Businco \u201cIl turismo che non paga\u201d de Cristina Nadotti, giornalista e iscritora, biagiadora, a Rep\u00f9blica pro prus de 20 annos, s’est ocupada de \u00e8steros, cooperatzione internatzionale, transitzione ecol\u00f2gica, at seberadu sa Sardigna comente terra de adotzione. M\u00f2derat Giulia Clarkson. <\/p>

In unu mundu in ue biagiare est dev\u00e8nnidu prus atzess\u00ecbile chi mai in antis, est raru chi firmemus a nos preguntare chie subit is cunsigh\u00e8ntzias de su turismu de massa. Nadotti ismontat su mitu de su turismu comente motore de cr\u00e8schida infinida, ammustrende su chirru suo iscuru: de sa pressione subra de is comunidades locales a sa destruidura de is ecosistemas, finas a s’impatu subra de is economias de is logos prus bisitados. Ite acadit cando una tzitade devenit \u201ctzitade de arte\u201d, una bidda \u201cburgu aut\u00e8nticu\u201d e una marina \u201clocalidade instagramm\u00e0bile\u201d? Su libru oferit una letura cr\u00ectica e documentada subra de is iscontr\u00f2rios de su fen\u00f2menu de s’overtourism e a ingh\u00ecriu de su pesu sotzioecon\u00f2micu e ambientale chi tenet subra de su Paisu nostru. <\/p>

Gi\u00f2bia 4 de mese de idas<\/strong>, a is 17.30, in collaboratzione cun s’Ass\u00f2tziu Antonio Gramsci, chi acas\u00e0giat s’ad\u00f2biu in Casteddu, Vittorio Pelligra, dotzente de Pol\u00ectica Econ\u00f2mica in s’Universidade de Casteddu, e Fabio Angei, dotorandu in Si\u00e8ntzias Econ\u00f2micas e collaboradore de su Crenos, ant a t\u00e8nnere unu semin\u00e0riu subra de su libru de su fil\u00f2sofu giaponesu Saito Kohei, \u201cIl capitale nell\u2019Antropocene\u201d (Einaudi, 2024). Co\u00f2rdinat Laura Stochino, insinnante de ist\u00f2ria e filosofia e respons\u00e0bile pro sa did\u00e0tica pro s’Istitutu sardu pro s’ist\u00f2ria de s’antifascismu e de sa sotziedade cuntempor\u00e0nea (fintzas in direta, cun tradutzione in Lis de Luciana Ledda).
Su capitalismu non nos a ghiare a foras de sa crisi, est sa tesi de Kothei. Cale si siat retzeta econ\u00f2mica basada subra una cr\u00e8schida contina batit a sa destruidura de su pianeta. S’\u00f9nica possibilidade est sa de tirare su frenu. E Marx, a custu contu, tenet calicuna cosa galu de insinnare, totu is partidos de manca de su mundu si devent cunfrontare cun su manifestu politico-econ\u00f2micu suo. In unu per\u00ecodu de eco\u00e0nsia, in ue fen\u00f2menos semper prus estremos nos custringhent a f\u00e0ghere is contos cun s’abitabilidade de unas cantas partes de su globu e cun sa sustenibilidade de su modu nostru de b\u00ecvere, Saito atzocat a sa dibata propostas balentiosas, radicales e meditadas. Su tecno-utopismu, su Green New Deal, sa fatzola de ecologistas de is aziendas non sunt una solutzione. E is gestos piticheddos de su cada die de sa gente non podent bastare: is resursas sunt limitadas e bis\u00f2ngiat de afrontare su problema de is disugualidades. Est netzess\u00e0riu a torrare a s’essentziale, a is cosas cuncretas, a sa comunidade. Torrare a iscob\u00e8rrere sa chi Marx naraiat \u201csa relatzione metab\u00f2lica intre \u00f2mine e natura\u201d. <\/p>

Su note de su 2 onniasantu 1975, pagu prus de chimbe d\u00e8cadas a oe, si cumpriat sa fine tr\u00e0gica de sa vida de Pier Paolo Pasolini. E semper gi\u00f2bia 4, a su Lazareto de Santu Elia, su f\u00e8stival Mondo Eco bolet ammentare a unu de is intelletuales italianos prus importantes, fintzas discutidu e contierradu, de su s\u00e8culu coladu, seguramente intre is prus multiformes: poeta, romanziere, cr\u00ecticu, polemista, autore teatrale, iscenegiadore e regista tzinematogr\u00e0ficu. A is 19.30 s’iscritore Paolo Massari \u2013 chircadore in Italianistica a sa Sapi\u00e8ntzia de Roma \u2013 at a faeddare de su libru suo \u201cLa vacanza degli intellettuali. Pasolini, Moravia e il circolo di Sab\u00e0udia\u201d (Utet, 2025). A dialogare cun issu su giornalista, e iscritore, Massimiliano Messina.
\u201cApo seberadu a Sab\u00e0udia comente logu de s’isp\u00ecritu pro is pasos fortzados meos e is \u00e0nsias meas de traballos benidores, bisos furiosos chi mi \u00e0ncorant galu a su mundu\u201d. Cun custas par\u00e0ulas Pasolini contaiat su raportu suo cun Sab\u00e0udia, in ue paris cun Alberto Mor\u00e0via aiat comporadu una domo. Cuddu logu, in antis s\u00ecmbulu de s\u2019int\u00eclliu de su reg\u00ecmene fascista, devenit pagos annos a pustis s\u2019accorru seberadu dae s’intellighenzia italiana: gasi est poss\u00ecbile a adobiare a Mor\u00e0via chi faghet s’ispesa in pescheria, a Bernardo Bertolucci e a Ian McEwan chi discutint s’iscenegiadura de unu film mai realizadu, a Laura Betti a passillu cun Dario Bellesa, Jean Genet buschende firmas pro una petitzione in favore de sa Palestina. Massari tenet unu puntu de bista privilegiadu: tziu-tziu suo est istadu su fundadore de sa biblioteca de sa tzitade, gasi at adobiadu a is protagonistas de custa ist\u00f2ria e at chistionadu cun issos. Agiuadu dae documentos de arch\u00ecviu e fintzas dae is par\u00e0ulas de testim\u00f2ngios comente a Dacia Maraini, Alain Elkann e Edoardo Albinati, Massari atransat su momentu chi Sab\u00e0udia devenit unu de is polos de avangu\u00e0rdia de s’arte, de su tz\u00ecnema e de sa literadura italiana: su puntu focale dae ue pompiare s’ist\u00f2ria culturale de su pustisgherra. <\/p>

A sighire su recital \u201cIl sogno di una cosa. Cinquant\u2019anni dopo, Pasolini\u201d, a incuru de Massimiliano Messina, in collaboratzione cun sa Tzineteca Sarda. Un\u2019isp\u00e8tzie de \u201cdocu-reading\u201d, chi \u00e8vocat in su t\u00ectulu su primu romanzu de s’iscritore bolognesu, cun is leturas in iscena de Mario Faticoni (Messina at seletzionadu is testos, is im\u00e0gines e is m\u00f9sicas). A \u00e8ssere ammentadu est mescamente su Pasolini poeta, posca su romanziere e sagista ma fintzas su regista (comente aiat fatu Mor\u00e0via in sa oratzione f\u00f9nebre sua famada): acump\u00e0ngiant su reading unu mont\u00e0giu de im\u00e0gines tiradas dae unos cantos film suos de is prus importantes, paris cun frammentos leados dae is document\u00e0rios dedicados a issu. <\/p>

Su n\u00f9cleu printzipale de sa de ses editziones de su f\u00e8stival Mondo eco si serrat su 5 de mese de idas<\/strong>, a is ses de merie, cun Riccardo Crivelli, giornalista de Sa gazeta de s’Isport, cun su suo \u201cJannik Sinner. Il talento che sta cambiando la storia del tennis\u201d (Diarkos, 2025). S\u2019ad\u00f2biu, presentadu dae Roberto Pintor, at a \u00e8ssere acasagiadu in una location particulare, sa chi est sa prus giusta pro contare su \u201cfen\u00f2menu Sinner\u201d: su Tennis Club Monte Urpinu de Casteddu.
N\u00e0schidu in Badde Pusteria, a l\u00e0cana cun s’\u00c0ustria, Jannik Sinner at printzipiadu unu bi\u00e0giu istraordin\u00e0riu chi dd’at giutu dae is montes alpinos a is puntas de su tennis mundiale. In su libru de Crivelli s’ist\u00f2ria sua, fata de passione, determinatzione e cr\u00e8schida sighida. Finas dae gi\u00f2vanu, Jannik at d\u00e8vidu seberare intre s’amore suo pro s’isc\u00ec e s’apentu suo pro su tennis. A tr\u00e8ighi annos, impugnende sa racheta, printz\u00ecpiat unu caminu chi dd’at a gi\u00f9ghere a tesu dae domo, unu passu chi at a signare su cumintzu de sa artziada sua conca a sa mann\u00e0ria, abratzende una filosofia de vida rigorosa: annestru, mavelia e un’\u00e8tica de su traballu chi ddi sunt istadas imparadas dae sa fam\u00eclia sua. Is vit\u00f2rias suas in is torneos prus importantes, sa conchista de bator slam, ant cunsagradu su n\u00f9mene suo in s’ist\u00f2ria de s’isport. Crivelli non tz\u00e8lebrat is tr\u00ecunfos de unu campione petzi, ma cumbidat a nd’iscob\u00e8rrere s’ess\u00e8ntzia, sa de unu pitzocu chi, cun talentu mudu e una deditzione chi non podet r\u00f9ghere, est destinadu a abarrare in subra de su palcosc\u00e8nicu de su tennis mundiale galu pro annos, prontu a dev\u00e8nnere un’icona e un’es\u00e8mpiu de comente su traballu e sa persever\u00e0ntzia potzant torrare unu bisu in realidade. <\/p>\t\t\t\t\t\t\t\t<\/div>\n\t\t\t\t

\n\t\t\t\t\t

Animatzione a sa letura, laborat\u00f2rios pro is iscolas, ispet\u00e0culos<\/h2>\t\t\t\t<\/div>\n\t\t\t\t
\n\t\t\t\t\t\t\t\t\t

Unu de is momentos prus importantes de su f\u00e8stival liter\u00e0riu Mondo Eco est s’ad\u00f2biu cun is iscolas e is bibliotecas partners de su progetu. S’amore pro sa letura cumentzat in iscola e est in s\u2019iscola chi si diat d\u00e8vere cumentzare a praticare sa letura cr\u00ectica, s’interpretatzione de unu testu, s’an\u00e0lisi sua. In Casteddu in s’Istitutu Cumprensivu Santa Caterina, in s’iscola I Pini e in s’Iscola M\u00e8dia Leopardi de Pirri si sunt giai tentos laborat\u00f2rios e momentos de animatzione a sa letura. Interessadu de su totu su Sistema Bibliotec\u00e0riu integradu Nord Ogiastra (in tzentros comente a Tertenia, Tortolie, Ulassa). Sighit fintzas in custa editzione sa collaboratzione cun su Sistema Bibliotec\u00e0riu Monte Claro de sa Tzitade Metropolitana de Casteddu. Sa Biblioteca \u201cE. Lussu\u201d at a donare logu a unas cantas fainas de su f\u00e8stival, comente a ad\u00f2bios cun espertos de is temas tzentrales de sa manifestatzione e laborat\u00f2rios de promotzione a sa letura.
Su f\u00e8stival, comente est traditzione oramai, previdet fintzas un\u2019isp\u00e0tziu dedicadu a su teatru, cun ispet\u00e0culos pro mannos e piticheddos. <\/p>\t\t\t\t\t\t\t\t<\/div>\n\t\t\t\t

\n\t\t\t\t\t

\u00c0teras fainas<\/h2>\t\t\t\t<\/div>\n\t\t\t\t
\n\t\t\t\t\t\t\t\t\t

In intro de Mondo Eco 2025 si sunt acumpridos progetos dedicados a Sergio Atzeni (passigiada liter\u00e0ria fatu is bighinados castedd\u00e0ios de Is Mirrionis e Santu Micheli ispirada a is \u00f2peras suas), in is iscolas a su tema de sa Resist\u00e8ntzia, o puru s’initziativa \u201cLibros in carrotza\u201d, ospitada in pitzus de su Trenino Verde in sa trata Macumere \u2013 Bosa. E ancora, Tees liter\u00e0rios cun autores, in Pirri a sa Domo de pasu \u201cVittorio Emanuele\u201d, reading e presentadas de libros. In mese de idas, deretu a pustis de nadale, sunt prev\u00ecdidas is fainas in s’Istitutu Penale Minorile de Cuart\u00f9ciu. <\/p>\t\t\t\t\t\t\t\t<\/div>\n\t\t\t\t

\n\t\t\t\t\t\t\t\t\t

Su f\u00e8stival Mondo Eco est sustentadu dae s’Assessoradu a sa Cultura de sa Regione Sardigna (Serv\u00ectziu benes librajos)<\/strong> e dae s’Assessoradu a sa Cultura de su Comunu de Casteddu<\/strong>.<\/p>\t\t\t\t\t\t\t\t<\/div>\n\t\t\t\t

\n\t\t\t\t\t\t\t\t\t\t\n\t\t\t\t\t\t\n\t\t\t\t\t\t\t\t\tIsc\u00e0rriga su comunicadu imprenta [IT]<\/span>\n\t\t\t\t\t<\/span>\n\t\t\t\t\t<\/a>\n\t\t\t\t\t\t\t\t<\/div>\n\t\t\t\t\t<\/div>\n\t\t\t\t<\/div>\n\t\t
\n\t\t\t\t
\n\t\t\t\t
\n\t\t\t\t\t\t\t
\n\t\t\t\t\t
\n\t\t\t\t
\n\t\t\t\t
\n\t\t\t\t\t\t\t
\n\n\t\t\t\t\t\t
\n\t\t\t\t\n\t\t\t\t<\/path><\/svg>\t\t\t\t<\/a>\n\t\t\t<\/div>\n\t\t\t\n\t\t\t\t\t\t
\n\n\t\t\t\t\t\t\t\t\t

\n\t\t\t\t\t\t\n\t\t\t\t\t\t\tPROGRAMMA\t\t\t\t\t\t<\/a>\n\t\t\t\t\t<\/h3>\n\t\t\t\t\n\t\t\t\t\n\t\t\t<\/div>\n\t\t\t\n\t\t<\/div>\n\t\t\t\t\t\t<\/div>\n\t\t\t\t
\n\t\t\t\t\t\t\t
\n\n\t\t\t\t\t\t
\n\t\t\t\t\n\t\t\t\t<\/path><\/svg>\t\t\t\t<\/a>\n\t\t\t<\/div>\n\t\t\t\n\t\t\t\t\t\t
\n\n\t\t\t\t\t\t\t\t\t

\n\t\t\t\t\t\t\n\t\t\t\t\t\t\t\u00d2SPITES\t\t\t\t\t\t<\/a>\n\t\t\t\t\t<\/h3>\n\t\t\t\t\n\t\t\t\t\n\t\t\t<\/div>\n\t\t\t\n\t\t<\/div>\n\t\t\t\t\t\t<\/div>\n\t\t\t\t
\n\t\t\t\t\t\t\t
\n\n\t\t\t\t\t\t
\n\t\t\t\t\n\t\t\t\t<\/path><\/svg>\t\t\t\t<\/a>\n\t\t\t<\/div>\n\t\t\t\n\t\t\t\t\t\t
\n\n\t\t\t\t\t\t\t\t\t

\n\t\t\t\t\t\t\n\t\t\t\t\t\t\tEVENTOS A L\u00c0CANA\t\t\t\t\t\t<\/a>\n\t\t\t\t\t<\/h3>\n\t\t\t\t\n\t\t\t\t\n\t\t\t<\/div>\n\t\t\t\n\t\t<\/div>\n\t\t\t\t\t\t<\/div>\n\t\t\t\t
\n\t\t\t\t\t\t\t
\n\n\t\t\t\t\t\t
\n\t\t\t\t\n\t\t\t\t<\/path><\/svg>\t\t\t\t<\/a>\n\t\t\t<\/div>\n\t\t\t\n\t\t\t\t\t\t
\n\n\t\t\t\t\t\t\t\t\t

\n\t\t\t\t\t\t\n\t\t\t\t\t\t\tAD\u00d2BIOS ISCOLAS\t\t\t\t\t\t<\/a>\n\t\t\t\t\t<\/h3>\n\t\t\t\t\n\t\t\t\t\n\t\t\t<\/div>\n\t\t\t\n\t\t<\/div>\n\t\t\t\t\t\t<\/div>\n\t\t\t\t<\/div>\n\t\t\t\t<\/div>\n\t\t\t\t<\/div>\n\t\t\t\t\t\t<\/div>\n\t\t\t\t<\/div>\n\t\t\t\t<\/div>\n\t\t\t\t<\/div>\n\t\t","protected":false},"excerpt":{"rendered":"

COMUNICADU IMPRENTA S\u2019allughet sa de ses editziones de su f\u00e8stival de literadura MONDO ECO, dedicadu a sa Sustenibilidade Ecol\u00f2gica, Sotziale e Culturale, organizadu dae Il crogiuolo cun sa diretzione art\u00ecstica de Rita Atzeri e cun s’amparu de s’Assessoradu a sa Cultura de sa Regione Sardigna (Serv\u00ectziu benes librajos) e de su Comunu de Casteddu. Unu […]<\/p>\n","protected":false},"author":1,"featured_media":0,"parent":3271,"menu_order":0,"comment_status":"closed","ping_status":"closed","template":"","meta":{"_acf_changed":false,"footnotes":""},"class_list":["post-3288","page","type-page","status-publish","hentry"],"acf":[],"yoast_head":"\nComunicadu imprenta - Festival Mondo Eco<\/title>\n<meta name=\"robots\" content=\"index, follow, max-snippet:-1, max-image-preview:large, max-video-preview:-1\" \/>\n<link rel=\"canonical\" href=\"https:\/\/festivalmondoeco.it\/sc\/home\/comunicadu-imprenta\/\" \/>\n<meta property=\"og:locale\" content=\"en_US\" \/>\n<meta property=\"og:type\" content=\"article\" \/>\n<meta property=\"og:title\" content=\"Comunicadu imprenta - Festival Mondo Eco\" \/>\n<meta property=\"og:description\" content=\"COMUNICADU IMPRENTA S\u2019allughet sa de ses editziones de su f\u00e8stival de literadura MONDO ECO, dedicadu a sa Sustenibilidade Ecol\u00f2gica, Sotziale e Culturale, organizadu dae Il crogiuolo cun sa diretzione art\u00ecstica de Rita Atzeri e cun s’amparu de s’Assessoradu a sa Cultura de sa Regione Sardigna (Serv\u00ectziu benes librajos) e de su Comunu de Casteddu. Unu […]\" \/>\n<meta property=\"og:url\" content=\"https:\/\/festivalmondoeco.it\/sc\/home\/comunicadu-imprenta\/\" \/>\n<meta property=\"og:site_name\" content=\"Festival Mondo Eco\" \/>\n<meta property=\"article:publisher\" content=\"https:\/\/www.facebook.com\/IlCrogiuolocentrodinterventoteatrale\" \/>\n<meta property=\"article:modified_time\" content=\"2026-02-24T09:34:43+00:00\" \/>\n<meta name=\"twitter:card\" content=\"summary_large_image\" \/>\n<meta name=\"twitter:label1\" content=\"Est. reading time\" \/>\n\t<meta name=\"twitter:data1\" content=\"25 minutes\" \/>\n<script type=\"application\/ld+json\" class=\"yoast-schema-graph\">{\"@context\":\"https:\\\/\\\/schema.org\",\"@graph\":[{\"@type\":\"WebPage\",\"@id\":\"https:\\\/\\\/festivalmondoeco.it\\\/sc\\\/home\\\/comunicadu-imprenta\\\/\",\"url\":\"https:\\\/\\\/festivalmondoeco.it\\\/sc\\\/home\\\/comunicadu-imprenta\\\/\",\"name\":\"Comunicadu imprenta - Festival Mondo Eco\",\"isPartOf\":{\"@id\":\"https:\\\/\\\/festivalmondoeco.it\\\/sc\\\/#website\"},\"datePublished\":\"2025-10-30T10:40:15+00:00\",\"dateModified\":\"2026-02-24T09:34:43+00:00\",\"breadcrumb\":{\"@id\":\"https:\\\/\\\/festivalmondoeco.it\\\/sc\\\/home\\\/comunicadu-imprenta\\\/#breadcrumb\"},\"inLanguage\":\"lsc-LSC\",\"potentialAction\":[{\"@type\":\"ReadAction\",\"target\":[\"https:\\\/\\\/festivalmondoeco.it\\\/sc\\\/home\\\/comunicadu-imprenta\\\/\"]}]},{\"@type\":\"BreadcrumbList\",\"@id\":\"https:\\\/\\\/festivalmondoeco.it\\\/sc\\\/home\\\/comunicadu-imprenta\\\/#breadcrumb\",\"itemListElement\":[{\"@type\":\"ListItem\",\"position\":1,\"name\":\"Home\",\"item\":\"https:\\\/\\\/festivalmondoeco.it\\\/sc\\\/home\\\/\"},{\"@type\":\"ListItem\",\"position\":2,\"name\":\"Home\",\"item\":\"https:\\\/\\\/festivalmondoeco.it\\\/sc\\\/home\\\/\"},{\"@type\":\"ListItem\",\"position\":3,\"name\":\"Comunicadu imprenta\"}]},{\"@type\":\"WebSite\",\"@id\":\"https:\\\/\\\/festivalmondoeco.it\\\/sc\\\/#website\",\"url\":\"https:\\\/\\\/festivalmondoeco.it\\\/sc\\\/\",\"name\":\"Festival Mondo Eco\",\"description\":\"sostenibilit\u00e0 ambientale, sociale e culturale\",\"publisher\":{\"@id\":\"https:\\\/\\\/festivalmondoeco.it\\\/sc\\\/#organization\"},\"potentialAction\":[{\"@type\":\"SearchAction\",\"target\":{\"@type\":\"EntryPoint\",\"urlTemplate\":\"https:\\\/\\\/festivalmondoeco.it\\\/sc\\\/?s={search_term_string}\"},\"query-input\":{\"@type\":\"PropertyValueSpecification\",\"valueRequired\":true,\"valueName\":\"search_term_string\"}}],\"inLanguage\":\"lsc-LSC\"},{\"@type\":\"Organization\",\"@id\":\"https:\\\/\\\/festivalmondoeco.it\\\/sc\\\/#organization\",\"name\":\"Festival Mondo Eco\",\"url\":\"https:\\\/\\\/festivalmondoeco.it\\\/sc\\\/\",\"logo\":{\"@type\":\"ImageObject\",\"inLanguage\":\"lsc-LSC\",\"@id\":\"https:\\\/\\\/festivalmondoeco.it\\\/sc\\\/#\\\/schema\\\/logo\\\/image\\\/\",\"url\":\"https:\\\/\\\/festivalmondoeco.it\\\/wp-content\\\/uploads\\\/2025\\\/11\\\/poster2025.jpg\",\"contentUrl\":\"https:\\\/\\\/festivalmondoeco.it\\\/wp-content\\\/uploads\\\/2025\\\/11\\\/poster2025.jpg\",\"width\":1240,\"height\":922,\"caption\":\"Festival Mondo Eco\"},\"image\":{\"@id\":\"https:\\\/\\\/festivalmondoeco.it\\\/sc\\\/#\\\/schema\\\/logo\\\/image\\\/\"},\"sameAs\":[\"https:\\\/\\\/www.facebook.com\\\/IlCrogiuolocentrodinterventoteatrale\",\"https:\\\/\\\/www.instagram.com\\\/il_crogiuolo\\\/\"]}]}<\/script>\n<!-- \/ Yoast SEO plugin. -->","yoast_head_json":{"title":"Comunicadu imprenta - Festival Mondo Eco","robots":{"index":"index","follow":"follow","max-snippet":"max-snippet:-1","max-image-preview":"max-image-preview:large","max-video-preview":"max-video-preview:-1"},"canonical":"https:\/\/festivalmondoeco.it\/sc\/home\/comunicadu-imprenta\/","og_locale":"en_US","og_type":"article","og_title":"Comunicadu imprenta - Festival Mondo Eco","og_description":"COMUNICADU IMPRENTA S\u2019allughet sa de ses editziones de su f\u00e8stival de literadura MONDO ECO, dedicadu a sa Sustenibilidade Ecol\u00f2gica, Sotziale e Culturale, organizadu dae Il crogiuolo cun sa diretzione art\u00ecstica de Rita Atzeri e cun s’amparu de s’Assessoradu a sa Cultura de sa Regione Sardigna (Serv\u00ectziu benes librajos) e de su Comunu de Casteddu. Unu […]","og_url":"https:\/\/festivalmondoeco.it\/sc\/home\/comunicadu-imprenta\/","og_site_name":"Festival Mondo Eco","article_publisher":"https:\/\/www.facebook.com\/IlCrogiuolocentrodinterventoteatrale","article_modified_time":"2026-02-24T09:34:43+00:00","twitter_card":"summary_large_image","twitter_misc":{"Est. reading time":"25 minutes"},"schema":{"@context":"https:\/\/schema.org","@graph":[{"@type":"WebPage","@id":"https:\/\/festivalmondoeco.it\/sc\/home\/comunicadu-imprenta\/","url":"https:\/\/festivalmondoeco.it\/sc\/home\/comunicadu-imprenta\/","name":"Comunicadu imprenta - Festival Mondo Eco","isPartOf":{"@id":"https:\/\/festivalmondoeco.it\/sc\/#website"},"datePublished":"2025-10-30T10:40:15+00:00","dateModified":"2026-02-24T09:34:43+00:00","breadcrumb":{"@id":"https:\/\/festivalmondoeco.it\/sc\/home\/comunicadu-imprenta\/#breadcrumb"},"inLanguage":"lsc-LSC","potentialAction":[{"@type":"ReadAction","target":["https:\/\/festivalmondoeco.it\/sc\/home\/comunicadu-imprenta\/"]}]},{"@type":"BreadcrumbList","@id":"https:\/\/festivalmondoeco.it\/sc\/home\/comunicadu-imprenta\/#breadcrumb","itemListElement":[{"@type":"ListItem","position":1,"name":"Home","item":"https:\/\/festivalmondoeco.it\/sc\/home\/"},{"@type":"ListItem","position":2,"name":"Home","item":"https:\/\/festivalmondoeco.it\/sc\/home\/"},{"@type":"ListItem","position":3,"name":"Comunicadu imprenta"}]},{"@type":"WebSite","@id":"https:\/\/festivalmondoeco.it\/sc\/#website","url":"https:\/\/festivalmondoeco.it\/sc\/","name":"Festival Mondo Eco","description":"sostenibilit\u00e0 ambientale, sociale e culturale","publisher":{"@id":"https:\/\/festivalmondoeco.it\/sc\/#organization"},"potentialAction":[{"@type":"SearchAction","target":{"@type":"EntryPoint","urlTemplate":"https:\/\/festivalmondoeco.it\/sc\/?s={search_term_string}"},"query-input":{"@type":"PropertyValueSpecification","valueRequired":true,"valueName":"search_term_string"}}],"inLanguage":"lsc-LSC"},{"@type":"Organization","@id":"https:\/\/festivalmondoeco.it\/sc\/#organization","name":"Festival Mondo Eco","url":"https:\/\/festivalmondoeco.it\/sc\/","logo":{"@type":"ImageObject","inLanguage":"lsc-LSC","@id":"https:\/\/festivalmondoeco.it\/sc\/#\/schema\/logo\/image\/","url":"https:\/\/festivalmondoeco.it\/wp-content\/uploads\/2025\/11\/poster2025.jpg","contentUrl":"https:\/\/festivalmondoeco.it\/wp-content\/uploads\/2025\/11\/poster2025.jpg","width":1240,"height":922,"caption":"Festival Mondo Eco"},"image":{"@id":"https:\/\/festivalmondoeco.it\/sc\/#\/schema\/logo\/image\/"},"sameAs":["https:\/\/www.facebook.com\/IlCrogiuolocentrodinterventoteatrale","https:\/\/www.instagram.com\/il_crogiuolo\/"]}]}},"_links":{"self":[{"href":"https:\/\/festivalmondoeco.it\/sc\/wp-json\/wp\/v2\/pages\/3288","targetHints":{"allow":["GET"]}}],"collection":[{"href":"https:\/\/festivalmondoeco.it\/sc\/wp-json\/wp\/v2\/pages"}],"about":[{"href":"https:\/\/festivalmondoeco.it\/sc\/wp-json\/wp\/v2\/types\/page"}],"author":[{"embeddable":true,"href":"https:\/\/festivalmondoeco.it\/sc\/wp-json\/wp\/v2\/users\/1"}],"replies":[{"embeddable":true,"href":"https:\/\/festivalmondoeco.it\/sc\/wp-json\/wp\/v2\/comments?post=3288"}],"version-history":[{"count":1,"href":"https:\/\/festivalmondoeco.it\/sc\/wp-json\/wp\/v2\/pages\/3288\/revisions"}],"predecessor-version":[{"id":3289,"href":"https:\/\/festivalmondoeco.it\/sc\/wp-json\/wp\/v2\/pages\/3288\/revisions\/3289"}],"up":[{"embeddable":true,"href":"https:\/\/festivalmondoeco.it\/sc\/wp-json\/wp\/v2\/pages\/3271"}],"wp:attachment":[{"href":"https:\/\/festivalmondoeco.it\/sc\/wp-json\/wp\/v2\/media?parent=3288"}],"curies":[{"name":"wp","href":"https:\/\/api.w.org\/{rel}","templated":true}]}}