Festival Mondo Eco

Barbara Onnis

Barbara Onnis est professora de Istòria e Istitutziones de s’Àsia in s’Universidade de is Istùdios de Casteddu. Is interessos printzipales suos in sa chirca sunt cuntzentrados subra de s’istòria e subra de sa polìtica èstera de sa Tzina in època cuntemporànea. In s’ispetzìficu, su primu (e predominante) setore de chirca pertocat a sa polìtica èstera de sa Repùblica Populare Tzinesa, mirada dae prospetivas diferentes e in cuntestos diversificados, siat in livellu temporale (època rivolutzionària e postrivolutzionària) siat in livellu ispatziale (pro contu de àreas ispetzìficas ma fintzas in sa dimensione globale sua). Sa chirca tenet s’obietivu de dislindare is mètodos impreados dae Pechinu pro chircare de recuperare sa tzentralidade pèrdida in s’iscenàriu internatzionale durante de su sèculu connotu de “birgòngia e umiliatzione” e plasmare un’òrdine internatzionale multipolare nou, cunforma a is interessos suos e a sa bisione sua de su mundu, comente un’alternativa de valore pro parare fronte a s’unipolaridade americana bessida a campu cantu chi sa Gherra Frita fiat acabada.

November 2025

20

Casa Saddi, Cagliari ore 18:00

Alessandro Aresu – La Cina ha vinto

S’Otzidente est ossessionadu dae sa Tzina, a s’ispissu però dd’osservat cun miopia o segundu ischemas interpretativos chi non balent. Alessandro Aresu – una de is boghes prus abistas…

PROGRAMMA

ÒSPITES

EVENTOS A LÀCANA

ADÒBIOS ISCOLAS