Marcello Tanca insinnat Geografia in su Dipartimentu de Lìteras, limbas e benes culturales de s’Universidade de is Istùdios de Casteddu. Sa faina sua de chirca si cuntzentrat subra de su ruolu de sa geografia in intro de is dinàmicas culturales de sa modernidade, in subra de su paisàgiu – indagadu siat in is cumponentes teòricos suos siat in cuddas prus a làcana cun su territòriu de sa Sardigna -, subra de s’immigratzione in Casteddu e subra de su raportu intre geografia e fiction. Est autore, pro Franco Angeli, de Geografia e filosofia. Materiali di lavoro (2012) e Essere umani sulla terra (2021) e Pensare il paesaggio(2022). Dae su 2021 est moderadore de su grupu AGeI (Assòtziu de is Geògrafos Italianos) de Landscape Studies.